Тоқаев қайта президент сайлауына қатысу не қатыспауды әлі шешпепті

Тоқаев қайта президент сайлауына қатысу не қатыспауды әлі шешпепті. Келер 2027 жылы нақтысын айтамын дейді. Бүгін Астанада Құрылтай депутаттарын сайлауға дауыс бергеннен кейін, Тоқаевқа президент мерзімін жаңарту туралы сұрақ қойылды. «Менің заң бойынша қайта сайлауға түсуге құқығым бар. Бірақ алдағы сайлауға келетін болсақ: қатысамын ба, жоқ па, немесе қай жылы, бұл туралы талқылау әлі ерте. Өйткені еліміздің алдында тұрған міндеттерді орындауымыз керек», — деп жауап берді бұған ол. Президент бұл сұраққа әлі ерте деп, келесі жылы нақтырақ жауап бере алатынын айтады. Еске салсақ, Қазақстанда жаңа Конституция қабылданған соң Тоқаевтың бұған дейінгі президенттік мерзімі жойылған еді. Ол тағы да сайлауға түсіп, президент бола алады.