ЭКОЛОГ ВАДИМ НИ АЙТҚАН ШЫНДЫҚ

Қазақстандағы ең ірі мұнай жобалары — Теңіз (1993), Қашаған (1997), Қарашығанақпен (1997) келісімнің нақты шарттарын қоғам білмейді. Неге? Эколог әрі заңгер Вадим Ни бұл келісімдерді ашу үшін Қазақстан соттарына жүгінді. Бірақ оның арызы қаралмады. Енді іс халықаралық деңгейге шықты. Экологтың сөзінше, мұнайдан бұзылған экологияның салдарын дәлелдеу қиын, оны нақтылап, зардап шеккен халықтың өтемақы алуына не денсаулық сақтау, не экология министрі мүдделі емес дейді. «Денсаулық сақтау министрлігі аурудың диагнозын жасырады» деген эколог бұл ашық сұхбатында көп нәрсені батыл айтты. Оның сөзінше мемлекет пен оның заңдары халықты емес, ірі бизнесті қолдауға бағытталған. Бұл сұхбат тек мұнай туралы емес, кез келген қазақстандықтың құқығы туралы. Көріңіз, арнаға жазылыңыз.