Ақтауда жұмыссыз азаматтар Тоқаев пен Бас прокурорға, Маңғыстау облысының әкіміне үндеу жолдады

Олар өңірдегі жұмыссыздық мәселесін жеке бақылауына алуды, нақты шешімді талап етті. Азаматтардың мәлімдеуінше, олар облыстық атқару билік органдарына бірнеше мәрте жүгінген. Бірақ мардымды жауап не мәселенің шешімін таба алмаған. «Ұзақ уақыт бойы жұмыссыздық мәселесі шешілмей, біздің отбасымыздың әлеуметтік жағдайына тікелей әсер етіп отыр. Мақсатымыз мемлекеттік органдарға қарсы шығу емес, біздің мақсатымыз — азаматтардың заңды талаптарына назар аударуыңызды, Маңғыстау облысындағы жұмыссыздық мәселесін нақты шешуге, жұмыс орындарын әділ бөлуді талап етеміз!», — дейді азаматтар үндеуінде.