basqaru teoriasy
Шайпұл
YouTube · · 2 мин оқу

Тура бір ай бұрын ол сотқа өз еркімен келгенде, полиция оны күштеп алып кеткен еді

YouTube-те ашу

Алматыда қоғам қайраткері Санжар Боқаевтың ісі бойынша дүйсенбі мен бейсенбі аралығында сот процессі өтіп жатыр. Осы аптада сотта не болды? Қысқаша тоқталсақ: • 17 қарашада Алма Мусина оқиға бойынша негізгі куәгер Ахридин Хамракуловтан неге әлі күнге дейін жауап алынбағанын сұрады. Тергеу мәліметінше, ол осы қылмыстық іске себеп болған Үлкен Алматы өзенінің жағалауынан гранит плиталарын сатуға, Баума тоғайындағы ағаштарды кесуге қатысқан. Прокурорлар бұған Хамракулов тіркелген мекенжайда тұрмайды, содан оны «таба алмай жатқанын» айтады. Полиция тапқан бойда оны дереу сотқа жеткізбек. Бір қызығы, тура бір ай бұрын сот отырысы басталғанда, ол ашық сотқа қатысуға өз еркімен келген еді. Бірақ оны ғимаратқа кіргізбей, бір топ полицей күштеп ұстап әкеткен (видео). Хамракулов қарсылық танытып, «бәрібір өз айтқанымнан қайтпаймын» деп айқайлаған. Бірақ сөзін аяқтап үлгермей, көлікке жетектеп мінгізіп әкетті. • 18 қарашада сот Санжар Боқаевтың қатысуынсыз өтті. Бұған дейін ол тісі ауырып жатқанын айтып, сотты кейінгі қалдыруды сұраған еді. Бірақ судья оның өтінішін елеусіз қалдырды. • 19 қарашада Боқаев жағдайы едәуір жақсарғанын айтып, сотқа қатысты. Адвокаттар судьяның бейтараптығына күмәнданып, айыпталушылардың құқықтарын бұзғанын айтты. Бірақ қорғаушылардың судьядан бас тарту туралы өтініші осымен 8 рет қабылданбады. Журналист Вадим Борейконың мәліметінше, ғимарат алдында басты куәгер Ахридин Хамракулов бой көрсеткен. Бірақ одан тағы да жауап алынбады. Естеріңізде болса, наурызда Санжар Боқаев ұсталғаннан кейін желіде Ахридин Хамракуловтың видеосы тараған еді. Онда Хамракулов полициядан азаптау мен қысым көргенін айтып жанұшыра көмек сұрайды. Ол ағаш кесуге қатысты Санжар Боқаевқа жала жауып, айыптауға мәжбүр болғанын айтқан. Келесі сот отырысы 23 қазанда өтеді. Санжар Боқаев «алаяқтық», «ақша жымқыру», «ұрлық», «жалған ақпарат тарату» баптары бойынша айыпталып жатыр.

Сезіміңізді көрсетіңіз

Ұқсас жазбалар Related posts