3 журналист ұсталған еді: Жолдас Өрісбай(Azattyq), Сәния Тойкен және Әйгерім Ескендір (Informburo)

❕Азаттық тілшісі Жолдас Өрісбайдың арызы бойынша полициядан жауап келді. Астана полициясы журналистің арызы бойынша қызметтік тексеру жүргізген. Нәтижесінде полицейлердің әрекеті «заңды» деп танылған. 15 наурызда жаңа Конституцияны қабылдау бойынша өткен референдум күні 3 журналист ұсталған еді: «Азаттық» тілшісі Жолдас Өрісбай, Сәния Тойкен және Informburo тілшісі Әйгерім Ескендір. Оқиға Астанадағы сайлау учаскесінде Тоқаев келер алдында болды. Полиция журналистерді негізсіз ұстап әкетіп, себебін түсіндірмеді. Бөлімшеде ұстап, 4 сағаттан кейін ғана босатты. Бұл уақытта Тоқаев дауыс беріп, кейін БАҚ өкілдерімен брифинг өткізген. Бұл жиынға тәуелсіз журналистер кіргізілмеді. Құқық қорғаушылар мұны «журналист жұмысына кедергі келтіру» деді. Жолдас Өрісбай президентке «ыңғайсыз» сұрақтар қоюдың алдын алу деп бағалады.