22 мая 2026 г.

«Ханституция» деп сынап, референдумға «ақылды бойкот» жариялаған заңгер Оразалы Ержановтың ісі бойынша жарыссөз өтті. Прокурор соттан 4 жылға бас бостандығын шектеуді сұрады. Оразалы Ержанов соңғы сөзінде тағылған айыпты мойындамады. Ол соттан істі тоқтатып, өзін ақтауды сұрады. Заңгер «саяси пікірінді білдіру қылмыстық әрекет емес» деді. Қоғам қайраткері бұған дейін де айыппен келіспейтінін, ешқандай заң бұзылмағанын айтқан еді. Еске салсақ, Оразалы Ержанов референдум алдында ұсталып, 2 айға қамалды. Оған қылмыстық кодекстің «сайлау құқықтарын жүзеге асыруға немесе сайлау комиссияларының жұмысына кедергi» жасау бабы бойынша айып тағылған. Оразалы Ержанов — Elge Qaitaru қоғамдық қорының жетекшісі. Ол жаңа Конституцияны «Ханституция» деп сынап, референдумға ақылды бойкот жариялаған. Видео: ulysmedia / TG