Дайрабаев та жылы орынға дәмелі
2022 жылы президенттікке кандидат болғанда, ол сүйекті бір қолмен ұрып сындырған еді. Қызық болсын деп, сол сүйекті өзі сындырды ма, жоқ па сұрадық. Дайрабаев бұған құлшына түсіндіріп, жауап берді. Бірақ сүйек сындырғыш депутат қамаудағы шаруа белсендісі Алмасбек Садырбаев жайлы пікір білдіруден бас тартты. Алмасбек Садырбаев — шаруа, ауыл шаруашылығы саласындағы белгілі қоғам белсендісі. 2024 жылы субсидияға бөлінген «ақшаны жымқырды» деп айыпталып, екі жылдан бері қамауда отыр. Айта кетсек, Дайрабаев «Ауыл» партиясынан құрылтайға баратын 69 делегаттың бірі. Бір кездері бір-бірімен президенттік таққа таласып, дебатқа шыққан Қарақат Әбден екеуі енді жайлы жылы орынға талпынып жатыр. Бірақ екеуінің де не бітіргені әзірге ешкімнің есінде жоқ. Әйтеу, өздері партияға біраз еңбек сіңіргенін айтады.