«Әбіл» фильмінің Қазақстанда прокатқа шыққанына екі-ақ күн болды

Бірақ сол екі күннің ішінде фильмге қарсы небір құйтыртқы әрекеттер жүріп жатыр. Бұл турал бас рөлді ойнаған актер Ерлан Төлеутай айтты. «Францияда екі ай прокатта жүрген «Әбіл» фильмі Қазақстанда екі күн жүрмей жатып, президент аппараты мен мәдениет және ақпарат министрлігі тарапынан қысымға түсе бастады. Олар Назарбаевқа қатысты фильмнің қысқа үзіндісін ғана көріп, сол тұсты мүлде кесіп, алып тастауға бұйрық беріпті», — деді ол. Ерлан Төлеутай прокат тоқтап қалуы мүмкін деп алаңдайды. Оның сөзінше, Ticketon сайтында фильм ел бойынша көрсетпей тұр. Тек  kino.kz сайтында сатылымда тұр. Сондай-ақ, кей сайтта фильм орысша деп көрсетілген. Бірақ фильм толық қазақ тілінде. Орысша тек субтитр берілген. Фильм түсірілмей тұрып та, қысымға ұшыраған. Ерлан Төлеутайдың сөзінше, орта жолда тіпті тоқтап қала жаздаған. Постпродакшн кезеңінде де кино мен мәдениет шенеуніктері тарапынан небір қитұрқылылықтарға тап болған. Режиссер Елзат Ескендірдің «Әбіл» фильмі 25 маусымда прокатқа шықты. Фильмнің әлемдік премьерасы 2024 жылы Пусандағы халықаралық фестивальде өткен. Бұған дейін фильм Франция кинотеатрларында көрсетілді. Фильмде совет одағы құлағаннан кейінгі 1993 жылғы Қазақстандағы аласапыран заман, мал-мүлік бөліске түсіп, жекешелендіру саясатының қиянаты, ауылдағы қарапайым халықтың тағдыры көрсетілген. 📍Toiken Media ютуб-арнасына жазылыңыз