Соғыс басталғалы бір-бірінен жырақта қалған отбасылар қайта қауышып, көз жасына ерік берді

АҚШ-тың бірінші ханымы Мелания Трамптың араласуымен Ресей басып алған Олешки қаласында уақытша атыс тоқтатылды. Нәтижесінде қалаға гуманитар көмек жеткізіліп, 25 автобуспен 800-ге тарта бейбіт тұрғын эвакуацияланды. Украинаның Херсон облысындағы Олешки қаласын 2022 жылы Ресей басып алып, оккупациялаған. Содан бері қала тұрғындарының күнкөрісі қиындап, тұрмысы нашарлады. Дрон шабуылдары үдеп, жолдарды миналап тастағандықтан тұрғындар қалада кете алмаған. Әсіресе, соңғы жылы жарық өшіп, азық-түлік пен медициналық көмек тапшы болып, халық аштық зардабын көрді. Олар бақшада өсірілген көкөністермен күнелтуге мәжбүр болған. Құтқарылған тұрғындар Ресей сарбаздары халықтың тамағын тәркілеп, ұрып-соғып, қарсы шыққандарды атып өлтіргенін айтады. Олардың бірі 80 жастағы қария 4 жыл оккупация кезінде 20 келі салмақ жоғалтқан. Соғыс басталғанға дейін Олешкиде 24 мыңға жуық адам тұрған. Мелания Трамп қаладан 750-ден астам адам эвакуацияланғанын хабарлады. Кейбіреулері Ресейге кетсе, ал кейбіреулері Украинада қалған. Қалада әлі мыңға жуық адам қалуы мүмкін. 🎥: Kyiv Independent, The Insider