Бұл туралы желіде белсендінің қызы хабарлап, әкесіне көмек сұрады.

Марат Тұрымбетов 1-топ мүгедектігі бар және созылмалы бүйрек ауруының ең ауыр сатысында. Ол диализге тәуелді. Бірақ белсенді 5 қыркүйекте Әлнұр Ильяшевпен бірге ұсталып, содан бері 2 ай бойы үйқамақта. Оларға «алаяқтық жасады» деген айып тағылған. Бір күн бұрын, 5 қарашада белсенді заңсыз тұтқындалуына қарсы наразылық ретінде гемодиализ процедурасынан бас тартқан. Ол қайғылы жағдайда, бар кінә мен жауапкершілікті бар прокуратураның аймақаралық басшысына, өзін тұтқындауға және қамауға алған судьялар мен №7 қалалық клиникалық аурухана басшылығына жүктеуді сұраған. Белсендінің отбасы оның шұғыл медициналық көмекке мұқтаж екенін айтады. Диализ оның өміріне қажет маңызды ем-дом. Олар жақынынан айырылып қаламыз ба деп алаңдайды. Марат Тұрымбетов елдегі жағдай мен әлеуметтік мәселелерге пікірін ашық айтып жүрген белсенділердің бірі. Шілдеде жақтастарымен бірге, «11M» «партиясыз» қозғалысын құрған еді. Көп ұзамай бастамаға қатысушылардың үйлерінде тінту жүргізіліп, үй қамаққа алынды.