16 шілде Оралда жергілікті белсенді Маруа Ескендірова наразылық акцияға шықты

Ол аштық жариялап, халықтың әлеуметтік жағдайын жақсартуды, бағаны төмендетуді, зейнетақы мен жәрдемақыны арттыруды талап еткен. Umarovnews мәліметінше, полиция қызметкерлері белсендіні бірнеше минуттан соң-ақ ұстап әкеткен. Орал қаласының соты Маруа Ескендірованы "бейбіт жиын өткізу ережесін бұзды" деп айыптап, 25 тәулікке қамап тастады. Белсендінің ісі екі күн бойы қаралған. Осы уақытта сот шешімі шыққанға дейін белсенді 25 сағаттан аса белсенді полиция бөлімшесінде болған. Құқық қорғаушы Павел Кочетков істе бірқатар заңбұзушылық барын айтады. Белсендіні ұстау кезінде ұстау хаттамасы толтырылмаған, телефоны тартып алынған. Маруа Ескендірова наразылық акциясын өткізу туралы әкімдікке ескерту берген. Алайда әкімдіктен жауап болмаған. Құқық қорғаушының сөзінше, үш жұмыс күні ішінде жауап бермесе, бұл биліктің келісімін білдіреді. Тиісінше белсендіні қудалау заңсыз. 50 жастағы Маруа Ескендірова — Орал қаласының азаматтық белсендісі, қоғамдық-саяси, бейбіт жиындар мен адам құқықтарын қорғау мәселесін көтеріп келеді. Азаматтық-саяси белсенділігі үшін бірнеше рет қудалауға ұшыраған