Зеленский Трампты ашық сынауға көшті. Бұған Еуропа алаңдап отыр

Ресей Украина қалалары мен энергетика нысандарына шабуылын жалғастырып жатыр. Луцк пен Ровнода жарық сөніп, Уманда көпқабатты үйге соққы тиді. Украина да Ресей аумағындағы мұнай, жылу мен басқа инфрақұрылым нысандарына дрон жіберді. Осыдан кейін Киев АҚШ президенті Дональд Трамп жариялаған энергетикалық бітімді енді сақтамайтынын мәлімдеді. Оның үстіне Трамп пен Владимир Зеленский бір-бірін ашық сынай бастады, ал Еуропа басшылары Вашингтон мен Киев арасындағы жанжал одан әрі ушыға ма деп алаңдап отыр.