Саясатқа бет бұрған Аша Матай өзін дебатқа шақырғандарға жауап берді

🤡Ол «көкірегімді дәлелдеу үшін дауласуға жоқпын» деп көсілді. Заңгер Мейірман Шекеевтің ұсынысынан бас тартты. Мұны тәрбиесімен байланыстырып, «ер адамдармен сөз таластырғым келмейді» деп сызылды. «Тырнақ астынан кір іздемей бірге жұмыс істейікші, ағалар. Көбіңіз мені сахна арқылы танисыздар. Осы жолды силаған тағдырыма ризамын. Өнер жолы маған халықтың мұң-мұқтажын көруді, қиындығын сезе білуді үйретті. Сондықтан мен халық партиясындамын», - деді әнші. Еске салсақ, белгілі тележүргізуші, әнші Аша Матай «Қазақстан Халық партиясының» атынан кандидат ретінде тіркеліп, қоғам талқысына түскен еді. Заңгер Мейірман Шекеев әншіні ашық дебатқа шақырған. Партия сьезінде Аша Матай журналистер сұрағына жауап бере алмай, жалтарып кеткен болатын.