Зар жылаған аналар биліктен тез арада ұлдарын елге қайтаруға көмек сұрады

Украинадағы соғысқа әкетілген қазақ азаматтарының туыстары Астанадағы Сыртқы істер министрлігінің ғимаратына жиналды. Зар жылаған аналар биліктен тез арада ұлдарын елге қайтаруға көмек сұрады. Жақындарының сөзінше, олар Ресейге нәпақа табамыз деп жұмысқа орналасуға кеткен. Алайда кейін алданып қалып, мәжбүрлі түрде соғыс аймағына жіберілген. Қазір жақындары олардың «не тірі ме, өлісін – білмейміз» деп алаңдайды. Бірнеше күннен бері олардан ешқандай хабар болмаған. Бұған дейін бір топ қазақ жігіт желіде Украинадағы соғыс аймағанына күштеп алып бара жатқандарынын айтып, көмек сұраған еді. Туыстары өткен аптадан бері биліктен жауап күтуде. Қазақстан Сыртқы істер министрлігі Ресеймен келіссөз жүргізіп жатқанын айтады. видео: ulysmedia.kz