Жаңаөзенде БЖБ мекемесінің жұмысшылары наразылық білдіріп, бір сағатқа жұмысын тоқтатты.

Жұмысшылар Мұратбай Жұмағалиевті босатуды талап етті. Жұмысшылар талап орындалмаса, толық жұмысты тоқтатпақ. БЖБ мекемесі Өзенмұнайгаздың 2011 жылғы Жаңаөзен қырғынынан соң құрылған бөлімшесі. 46 жастағы Мұратбай Жұмағалиев осы Жаңаөзен оқиғасының қатысушысы. Белсенді 3 маусымда ұсталды. Ол сәрсенбіде Жаңаөзеннен Ақтауға арнайы келіп, ары қарай Астанада денсаулығына байланысты ем-дом алуы тиіс болған. Бірақ белсендіні полиция «есірткі затын сақтады және пайдаланды» деген күдікпен күштеп ұстап әкетті. Видеодан Жұмағалиевтің жанұшыра «маған подстава жасады, қалтамды қара!» деп айғайлағанын естуге болады.