Серікжан Біләш АҚШ Конгресі мен Сенатында осы мәселе бойынша жұмыс істеп жатқанын айтты.

⚡️Тіркелмеген «Атажұрт» қозғалысының негізін қалаушы Серікжан Біләш әлеуметтік желіде мәлімдеме жасады. Ол ұйым белсенділерінің сотталуын «заңсыз» деп, Қазақстанның халықаралық беделіне нұқсан келтіретін, демократиялық принциптерге қайшы «феодалдық» әрекет деп атады. Серікжан Біләш АҚШ Конгресі мен Сенатында осы мәселе бойынша жұмыс істеп жатқанын айтты. «Халықаралық ірі адам құқығы ұйымдары (Human Rights Watch, Amnesty International, Freedom Now) — барлығы бұл туралы өздерінің қатаң мәлімдемелерін таратты. Бұл нені білдіреді? Қазақстан билігі өзінің Қылмыстық істер заңында көрсетілмеген баппенен, яғни заңда жоқ баппенен, бейне бір орта ғасырдағы феодалдық патшалар сияқты азаматтарды соттады», — деді белсенді мәлімдемесінде. Оның сөзінше, ел заңнамасында тек Қазақстан Республикасының мемлекеттік рәміздерін бүлдіруге қатысты жаза көзделген. Еске салсақ, жуырда Қытай туы мен төрағасының суретін өртегені үшін 19 адам сотталды. 11 белсенді 5 жылға түрме жазасына кесілді. Қалғандары шартты жазаға тартылды. Оларға саяси, қоғамдық жұмыспен айналысуға тыйым салынды.