Маңғыстауда тағы бір мекеме қызметкерлері еңбек мәселесін көтерді.

«Сенім Тасымал Компани» жұмысшылары Тоқаев пен жергілікті әкімдікке, «ҚазМұнайГаз» басшылығына бейнеүндеу жолдады. Бұл мекеме «Маңғыстаумұнайгаз», «Ойл Сервис» компанияларына қызметке көрсетеді. Жұмысшылар мекеме басшылығының 3 айдан бері жалақыны көтеру, еңбек жағдайын жақсару туралы уәдесінің орындалмай жатқанын мәлімдеді. Олар жалақы мен еңбек жағдайын «Бозашы Транс Құрылыс» қызметкерлерінің деңгейімен теңестіруді талап етті. Бұған дейін 19 мамырда өңірде «БерАли Маңғыстау Company» жұмысшылары компаниядағы заңбұзушылықтарды айтып, видеоүндеу жолдаған еді. Еске салсақ, Қазақстандағы ең ірі еңбек даулары Маңғыстаудан басталған. Өңірде еңбеу дауы жиі болады. 2011 жылы Жаңаөзенде мұнайшылар жалақы мәселесін айтып 7 ай бойы ереуілдетті. Полиция халыққа қарсы оқ атып, 17 адам көз жұмды. 2023 жылы 150-ге жуық мұнайшы Астанаға келіп, Энергетика министрлігінің алдында түнеп еңбек мәселесін көтерді. Бірақ наразы топты арнайы жасақ таратып, ұстап әкетті.