Тіркелмеген «Алға Қазақстан» партиясының белсендісі Эльвира Бекзадинаға қарсы іс бойынша кезекті сот

Оған қылмыстық кодекстің 380 және 378 бабы бойынша айып таққан: яки полиция қызметкеріне дене жарақатын салды және балағаттады дейді. Белсенді айыппен келіспейді. Ол істің қолдан жасалып жатқанын айтады. Эльвира Бекзадинаның сөзінше, сотта оқиғаның толық мән-жайы, полицияның заңсыз әрекеттері ашып көрсетілмеген. Тек белсендінің эмоциялық реакциясын көрсетіп, соның негізінде айып таққан. Адвокат Мейіржан Досқараев белсендінің ана ретінде кәмелетке толмаған балаларын қорғамақ болғанын айтады. Полиция Бекзадинаның 7 және 10 жастағы екі баласын алып кетпек болған. Адвокаттың сөзінше, бұл полиция қызметкерлерінің рапортында құжатпен расталған. Еске салсақ, Эльвира Бекзадина — қоғамдық-саяси мәселелерге пікірін ашық айтып жүрген азаматтық белсенді. Ол былтыр 16 желтоқсанда ұсталып, үйқамаққа алынды. Белсенді кіші екі қызымен бірге үйден шығып, 1986 жылғы құрбандарға гүл қоюды жоспарлаған. Бірақ белсендіні қыздарының көзінше ұстап әкеткен және дөрекі мінез-құлық көрсетілген. Бірақ бұл фактіге ашық құқықтық баға берілмеген. Белсендінің арызы тіркелмеген, ешқандай тергеп-тексеру жүргізілмеген. Қазір Эльвира Бекзадина әлеуметтік желіге шығуға, азаматтық белсенділігің танытуға тыйым салынған. Ол мұны қасақана жасалған қудалау деп есептейді.