Агенттік Қазақстанның Ресейге гуманитарлық көмек ретінде бензин беруге келіскенін хабарлады

Reuters мәліметінше, шілде-тамызда Ресейге 50 мың тонна бензин жеткізілмек. Қазақстан энергетика министрлігінің мұны қайтадан жоққа шығарып отыр. Ведомство Ресейден ресми өтініш түспегенін алға тартады. Дегенмен «тиімді коммерциялық шарттар негізінде жанар-жағармай материалдарын жеткізу мүмкіндігін қарастыруға дайынбыз» дейді. Бұған дейін Reuters Ресейдің Қазақстанмен 50 мың тонна АИ-92 бензинін сатып алу туралы келіссөз жүргізіп жатқанын хабарлаған еді. Мәскеу бензинді керосинге айырбастап «бартерлік ұсыныс» жасаған. Қазақстан Ресейге бензин жіберіп, орнына авиациялық отын алады. Еске салсақ, маусымда Украина Ресейдің мұнай инфрақұрылымындарына ауқымды соққы жасап, елде жанармай тапшылығы туды. Бензинге шектеу енгізіліп, бағасы шарықтады. Жанармай станцияларында ұзақ-сонар кезек қалыптасып, жұрт бензинге төбелесіп, таласты. Шекара маңындағы ресейліктер бензин үшін Қазақстанға келе бастады. 📍Toiken Media ютуб-арнасына жазылыңыз