Сот 19 адамның барлығын кінәлі деп тапты
⚡️Талдықорғанда Қытай туы мен Си Цзиньпиннің суретін өртеген «Атажұрт» белсенділеріне қатысты сот үкімі шықты. Сот айыпталған 19 адамның барлығын кінәлі деп тауып, бес жылға дейін түрме жазасын тағайындады. Олардың кейбіріне ғана бас бостандығын шектеу жазасы берілді. Назигүл Мақсұтқан, Асылхан Құлхаев 3 жылға, Қанат Тұрдыбай мен Аян Қалымбек 5 жылға шартты түрде сотталды. Бекзат Мақсұтхан, Еркін Нұрақын, Бахытжан Шұғыл, ағайынды Ерғали және Ербол Нұрлыбаев, Тұрсынбек Қаби, Қосжанов Қуандық, Батылбек Байғазы, Гүлдария Шеризат 5 жылға сотталып, бас бостандығынан айрылды. Сот Талдықорғанда жабық өтті. Журналистерді кіргізбеді. Қылмыстық іс Қытай билігінің нотасынан кейін қозғалған. Былтыр «Атажұрт» белсенділері Алматы облысы Ұйғыр ауданында Шыңжаңдағы қазақтарды босатуды, Әлімнұр Тұрғанбайды елге қайтаруды талап етіп, Қытай билігіне қарсы наразылық өткізген еді.