Қазақстанда интернет-трафикті басқарудың жаңа ережелері күшіне енбек
Оған сәйкес, мемлекеттің елдегі интернетті бақылау және шектеу аясы кеңейеді. «Тіл кеспек жоқ» негізін қалаушы, журналист Әсем Жәпішева жаңа талаптың қалай жүзеге асатынын түсіндіріп берді (видео) Енді ұялы байланыс операторлары, хостинг-провайдерлер және онлайн-платформалардың кэш-серверлерін сақтайтын компаниялар бірыңғай мемлекеттік орталықтандырылған басқару жүйесіне қосылуға міндеттелмек. Бұған дейін бұл талап қалааралық және халықаралық байланыс операторларына ғана қатысты болған. Бұдан былай мобильді интернет трафигі мен хостингте орналасқан ресурстар «Мемлекеттік техникалық қызмет» (ГТС) тораптары арқылы өтеді. Бұл елдегі интернетті бақылап, жаппай сайттарды бұғаттап не қандай да бір шектеулер енгізу мүмкіндігін кеңейтеді. Сондай-ақ, трафиктің қосымша тораптар арқылы өтуі интернет жылдамдығы мен тұрақтылығына да әсер етуі мүмкін. Тиісті бұйрыққа ҰҚК төрағасы Ермек Сағымбаев 30 қазанда қол қойған. Құжат 15 қарашадан бастап қолданысқа енгізілмек. Видео: @asem.khadisha | IG