Бұл туралы видеографтың жұбайы журналист Вадим Борейкоға хабарлап, видеоүндеу жолдаған
Ол видеода күйеуі Ұлан Нүсіпқожаның жағдайы ауыр, медициналық көмекке зәру екенін айтады. Видеограф тергеу изоляторында болған уақытта ауыр вирустық инфекция жұқтырып, бауыры қатты уланған. Организмі әлсіреп, анемияға ұшыраған. МРТ нәтижелері онкологияға анализ тапсыруды тағайындаған. Бірақ тергеу мен сот медициналық құжаттар мен онкологтың нұсқаулығына қарамастан, оны үй қамағына жіберуден бас тартқан. Белсенді Санжар Боқаев пен видеографы Ұлан Нүсіпқожа биыл 18 наурызда ұсталып, 4 айдан бері Алматыда тергеу изоляторында қамауда отыр. Сот қамауда ұстау мерзімін бірнеше рет созып, соңғы рет 18 шілдеге дейін ұзартты. Бас Прокуратура Боқаевты өзгелерге ақша беріп, ағаш кескізіп, жалған ақпарат таратып, видеода жариялады деп айыптады. Санжар Боқаев желіде Алматыдағы жол жөңдеу мен плиткаларға қатысты заңсыздықты әшкере қылған еді. Белсендінің жақтастары мен құқық қорғаушылар оның ұсталуы мен істі болуында саяси астары бар деп есептейді. 📍Toiken media ютуб-арнасына жазылыңыз!