Талдықорған абақтысындағы «Атажұрт» өкілдерін қорқытып жүрген кімдер?

Талдықорғанда «Атажұрт» саяси – оппозициялық қозғалысының өкілдеріне қатысты «алауыздық қоздыру» бабымен қозғалған қылмыстық істі қарап жатқан жабық сот аяқталуға жақын қалғанда, абақтыда отырғандарға белгісіз адамдар келіп, әлдебір қағазға қол қойдыруға мәжбүрлеген. Бұл туралы олардың туыстары айтып, дабыл қағып жатыр. «Балаларымызды қорқытты» деген қамаудағылардың жақындары Қазақстан билігі мен халықаралық ұйымдардан көмек сұрайды. «Атажұрт» белсенділері отырған Талдықорғандағы N71 мекеме басшысы қамаудағылардың туыстарына бұл ақпаратты жоққа шығарған.