Журналистің ұсталуына Ресей тарапынан қозғалған қандай да бір қылмыстық іс себеп болған

Бұл туралы әлеуметтік желіде журналист Рауль Упоров хабарлады. Оның сөзінше, Лұқпан Ахмедьяровты жергілікті полиция тоқтатып, қалалық бөлімшеге алып кеткен. Олар журналистің Ресей Ішкі істер министрлігінің арызы бойынша халықаралық іздеуде жүргенін хабарлаған. «Қылмыстық істі 2025 жылғы 25 желтоқсанда Мәскеу облысының ІІМ қозғаған. Осы іс аясында Орал полициясы одан жауап алатын шығар. Нақты қай бап бойынша екенін Лұқпан білмейді. Қазір оны наркологияға алып бара жатыр», — деп жазды Рауль Упоров. Лұқпан Ахмедьяров — Оралдық тәуелсіз журналист, «Просто журналистика» YouTube-арнасының авторы. Кәсіби қызметі үшін бірнеше рет қамауға алынған. 2012 жылы оған қастандық жасалды. Үйінің алдында журналиске 3 рет оқ атып, 8 жеріне пышақ салған.