Киевтегі сот

Кивете өтіп жатқан «Бәсе» YouTube арнасы авторының бірі Наталья Садықова мен қазақстандық кәсіпкер Ғаджи Ғаджиев арасындағы сот процесі 7 тамызға шегерілді. Сотта белгілі болғандай бұл туралы Ғаджиевтің өкілі алдын ала өтініш түсірген. Кәсіпкер әрі Қазақстан Ұлттық Олимпиадалық комитетінің вице-президенті Гаджи Ғаджиев журналист Наталья Садықоваға қатысты Киев сотына арызын 2025 жылғы 24 сәуірде түсірген. Талап-арызында Ғаджиев Наталья Садықовадан өзі туралы жарияланған барлық материалдарды алып тастауды және оларды ресми түрде теріске шығаруды талап етеді. Сондай-ақ моральдық өтемақы ретінде Садықовтың жесірінен 100 мың гривен өндіруді сұрайды. Бұл шамамен 2,5 мың АҚШ долларына тең. 2024 жылдың жазында Айдос Садықовты отбасының көзінше атып кеткен. Осы қастандықтан кейін Украинаның тергеу органдары Қазақстан азаматтары Алтай Жақанбаев пен Мейрам Қаратаевқа күдік келтіріп, қылмыстық іс қозғаған. Бірақ бұл іске қатысты Бас прокуратура мәлімдеме жасаған жоқ. Қастандықтан кейін Наталья Садықова Қазақстан билігін қылмысты ұйымдастырды деп айыптап, ал Гаджи Ғаджиевті оқиғаға тікелей қатысы бар деп мәлімдеген.