Хасен Ерімбетов – 24 жыл еңбек өтілі бар ұстаз, география пәнінің мұғалімі.
Адвокат Тілаужан Кішкенбаевтың жазуынша, ол мектептегі заңбұзушылықтар туралы айтқан соң қысым ғаұшырап, жұмыстан қуылған. Педагог еңбек құқығы бұзылғанын айтып, облыстық еңбек инспекциясына шағымданған. Тексеру нәтижесінде Ерімбетовтың жұмыстан шығарылуы «заңсыз» деп танылған. Инспекцияның қорытындысына қарамастан, педагог қызметіне қайта алынбаған. Кейін ол Ордабасы аудандық сотына жүгінгенін айтады. Алайда мұнда да әділетсіздікке тап болған. 3 маусым күні аудандық сот оны сотқа бағынбады деп 5 тәулікке әкімшілік қамау туралы шешім шығарған. Әділетсіздікке шыдамаған мұғалім наразылық ретінде сотта өзіне пышақ сұғып, қол жұмсамақ болды. Желідегі мәліметке сүйенсек, Хасен Ерімбетов алты баланың әкесі. Ол бес айға жуық уақыт жұмыссыз қалып, салдарынан күйзеліске түскен.