Киевте Ресей соққысынан қаза тапқандар саны 30-ға жетті

🇺🇦Құтқарушылар үйінділерді тазалау және оның астында қалған адамдарды іздеу жұмыстарын әлі жалғастырып жатыр. 2 шілдеге қараған түні Ресей Украинаға жаппай шабуыл жасады. Әсіресе, тұрғын үйлерге, азаматтық нысандарға тіккелей соққы болды. Украинаның ТЖМ мәліметінше, жүздеген адам түрлі жарақат алды. 30 адам қаза тапты. Киев мэрі Виталий Кличко 3 шілдені «Қаралы күн» деп жариялады. Оның сөзінше, Киевке жасалған түнгі шабуыл кейінгі жылдардағы ең ауқымдысы болды. Ресей Украинаға 70-тен астам зымыран мен 500-ге жуық дронмен соққы жасаған, олардың негізгі нысаны Киев болды. Еске салсақ, Путин «арнайы әскери операция» деп 2022 жылы 24 ақпанда Украинаға басып кіріп, шабуыл жасады. БҰҰ-ның мәліметінше, содан бері соғыс басталғалы Украинада кем дегенде 16 мыңнан астам бейбіт тұрғын қаза тапты. Олардың 800-ден астамы балалар. Кем дегенде 46 000-нан астам адам түрлі жарақат алған. Миллиондаған украин азаматы туған жерін тастап, босқын болуға мәжбүр болды. Видео: Радіо Свобода, ДСНС Украіни / TG