Таяу Шығыстағы дүрбелеңнің Қазақстан конституциясына қандай қатысы бар?

АҚШ пен Израиль шабуылынан Иран аятолласы өліп, көршілес елдер көңіл айтты. Қазақстан басшылығы Иран атқылаған араб елдеріне хабарласып, алаңдаушылық білдірді. Наурыздың бесіне ғана парламент спикері Мәулен Әшімбаев Қазақстандағы Иран елшілігіне барып, президент атынан көңіл айтты. Мұндай дипломатиялық қатынастың сыры неде? Белгілі дипломат, Сыртқы істер министрлігінің бұрынғы қызметкері Қазыбек Бейсебайдың пікірін сұрадық.