Тоқаевтың туған қарындасының қызы Құрылтайда бой көрсетті

Ол ресми депутат ретінде ант беріп, Халықаралық қатынастар, қорғаныс және қауіпсіздік комитетінің мүшесі болды. Бұған дейін ел алдына шықпаған, президенттің жиенін бұл жолы да жақыннан көру мүмкін болмады. Ол ант беріп жатқанда, камера көбіне жалпы залды түсірген. Оған дейінгі депутаттар эфирде ірі планмен көрсетілген болатын. Еске салсақ, бүгін Астанада Құрылтайдың ресми бірінші отырысы өтіп, болашақ заң шығарушы 145 депутат ант берді. Олардың бірі сөзінен жаңылса, бірі ежелеп, қазақша әрең оқыды. Бұған дейін президент әкімшілігін басқарған, «Әділет» партиясының лидері Айбек Дәдебай Құрылтай төрағасы болды.