Мұндай тегін концерт атын жамылған саяси концерттер 2022 жылдан бері ұйымдастырылып келеді

🤡19 тамызда Астанада танымал әншілердің қатысуымен ауқымды музыкалық кеш өткен. Тегін концертке 40 мыңнан аса адам қатысқан. Бірақ бұл жай ғана концерт емес, сайлау науқаны аясындағы кезекті «саяси шара» болып шықты. Кешті «Әділет» партиясы ұйымдастырған. Бір айта кетерлігі, концерт жайлы алдын ала афиша мен анонста оны «Әділет» ұйымдастырып жатқаны жайлы еш жерде айтылмады. Жергілікті блогерлерден бастап пабликтар «тегін концерт» деп жұртты жарыса шақырған. Кейін кештің басты мақсаты музыка емес, «саяси науқан» екені белгілі болды. Партия мүшелері «Әділетті Қазақстанды бірге құрайық» деп туларын жалаулатып, «Әділетті» қолдау туралы үгіт-насихат жүргізді. Кешке 15 минут дрон-шоу өткізіліп, партия ұстанымдары мен Тоқаевтың саясаты дәріптелген. Тіпті жұртқа «рахмет айтқызып», қолдау видеосын түсірген. Еске салсақ, бұл алғашқы рет емес. Мұндай тегін концерт атын жамылған саяси концерттер 2022 жылдан бері ұйымдастырылып келеді. Бұл бұрынғы Amanat-тың мұрасы. Биыл референдум алдында да республика бойынша осындай «жаңа Конституцияны қолдайтын» концерттер өткен. Бұған дейін Amanat-тың қызметіне белсенді үлес қосқан саясаттанушы Марат Шибұтов жаңа партияда жаңа идея, ұсыныстарым бар деген еді. Бірақ баяғы сол қитұрқы тірлік сияқты.