Ол 3 айдан бері қамауда отыр

«Атажұрт» белсенділері ұйым мүшелері мен қолдаушыларына қарсы қудалау мен қысым жалғасып жатқанын айтты. Ұйым мүшесі Әсен Нұрсан 3 айдан бері қамауда отырған Бәтиха Біләштің жағдайын атап өтті. Ол үкімсіз қамалған. 54 жастағы әйелдің жағдайы қиын, жүрегінде ақау бар, өзі аурушаң кісі. Еске салсақ, «Атажұрт» негізін қалаушы Серікжан Біләштің әпкесін маусымда түн ортасында тұтқындап алып кеткен еді. Кейін үйқамаққа шығып, қайта қамалды. Қазір Талдықорған изоляторында отыр. 9 қыркүйекте қамау мерзімі тағы бір айға ұзартылды. Алматыда тіркелмеген «Атажұрт» ұйымының белсенділері баспасөз жиынын өткізіп, жазықсыз сотталған 18 мүшесін, Батиқа Біләш пен Гүлназ Серікбаеваны дереу босатуды талап етті. Сотталған азаматтарды қолдағаны үшін ұйым мүшелері мен жақтастарына көрсетіліп жатқан қысым мен қудалауды тоқтатуды сұрады.