“Жаңа Жамбыл фосфор" зауытының жұмысшылары жаппай наразылыққа шықты

Жұмысшылар зауыт "Қазақмыс" компаниясына өткелі жағдайлары нашарлағанын айтады. Жалақылары мардымсыз, өтемақы берілмейді, еңбек демалысының ақшасы кешігеді. Сондай-ақ, жұмысшылар қысым күшейіп, еңбек құқықтары тапталып жатқанын айтады. Журналист Нұрадин Рақайдың жазуынша, зауытқа арнайы жасақ итпен кіріп келіп, жұмысшыларға ескертпестен тінту жүргізген. Шкафтарын бұзып ашқан. Есірткі табылды деп желеумен жұмысшыларды ұстап алып кеткен. Қызметкерлер бұл заңсыз дейді. Олар өздері әдейі салып жіберген болуы мүмкін деп күдіктенеді. Видеолардың бірінде жұмысшылар 70 адамды алып кеткенін айтады. Сондай-ақ, олардың бірі мұны жұмыстан қысқарту үшін "арнайы жасалған шара" деп айтып қалды.